Sjećanja iz Žejana (Žejân)

  • < Natrag

    Pust u Žejanama


    Tekst Prijevod

    Ân Pust je zvončår ân selište. Nu megu nikamor. Domaręca se skolu na pet ur. Domaręca megu pre selište. Kând am jo zvonit, av la sakile ča-v ân društva fost, mes la okna zvoni, la uše. Pârla nu s-av svitloba zapalit ân kåsa, n-am mes ća dela uše. E akmo jelj megu pre selište. Trej vote okoli megu. Ši ašå se društva tota åfla ân šula, dom, ši megu din Žejân majmånće ân čåle Mič Mune poberi, atunče ân Munele i dela podne viru ân selište, ân Žejân. Ši ašå pobirujs dela kåsa pârla kåsa. Teško la je ke sagdir mores mânkå ši bę. Dela pârva kåsa pârla zadnje. Ân zadnje nuštire nu ni vire; se pljårde pre kåle. Maj månće zvončåri la uše zvones, kapo męže ân kåsa ši pozdravę â. Saka kåsa daje panceta, slanina ân ražânj, ošore, šoldi. Ši ašå, dela kåsa pârla kåsa. Ši pârva sâmbota dupa Pust faku čira de ačå, fritaja. Panceta ši slanina ku ošore. Kljemu se åte društve. Din saka društva nuštire vire, kao gosti, na čiru. E noj mežem drugamo. Ši ašå se odâržvę ača tradicije.

    < Natrag