Sjećanja iz Šušnjevice (Šušnjevicę) i okolnih sela

  • < Natrag

    Nijemci su pucali na nas


    Tekst Prijevod

    E ča-m vut, uri dvanęjst let? Pokle-n mes ku ste susęde ši jåle vut-a-- Ura fost-a de un ån majbetâra de mire, e ura, kât, trej ånj. Mes-an ân lug radić pobiręj, divlju, za munkå. Ši verit-an ânča la mostu šušnjevski. E Nemci viravęjt-a de žos. Ši hmo, če ran fåče?! Noj an vut čelji ruckić ku noj ši kucite. Ši ku ča-n pobiręjt. Ši čija ča-n pohitęjt ši fužin ćå, oča. E jelj-a dupa noj hitęjt. Ura skapåt-a, trekut-a månće. Skapåt-a ćå. E jo ši ku ča åta sor, Ånina, če-j-- Forši vo konošti? Ča lu Bakota. Jo ku jå, verit-am kolę. Ši dupa noj a inka hitęjt. Ši pokle-n verit ânča, la čâsta kåsa. Bivęjt-a nuškara Antonije. De ånča fost-a. De žos jå bivęjt-a. Ma nu-s ånča naskute nego če jo štivu juva. Ši ânča verit-a Nemci. Ši sta ženska n-a ânča cirut ši če jo štivu če n-å dåt. Ši jå zis-a valja ke sno de ånča. Ši jelj-a âmnåt tot prin kåsa vižitęj ši li n-a lasåt. E čavota narodu pobiręjt-a ši kolę vârde Picko fost- a kåla reskinita. Ši Nemci pobiręjt-a narodu za nepravi. E din Paklic- kolę din boška, hitęjt-a pre jelj partižani. Ši čija ramås-a trej morc, nostri nårod. Ši noj an pokle de kân a ča pritrekut mes ćå. E måjile n-a šteptåt kolo la potok ši plâns, ke, k-a mislit ke n-a potučit Nemci. Sako sa provijęjt, sako.

    < Natrag