Kako smo se igrali
E čavota-v fost čuda fečor, ča fost tot prijåtelj, ča ne igręjan. Saka sęra obavezno skundavęj se. Skrivača, obavezno. E ši åte igre. Pešćicęj ku činč ârpi, činč kuglice. Ši onda ča hitešti pa po ura, pa pokle po trej, po do, pa po trej. Pokle ku tot. Hiti ura zgoru, pure pre skånd. Kacå ši hiti-n zgoru. Ši kacå tote ši kacå čaista. Se n-aj tote låt, onda-j žbaljęjt. Onda åta turnęj. Ši pokle fârde, d-untråt, šå lovi. E pokle åta vota pešćicęj fârde tâkni ča åta. S-aj tâknit ča åta, nu valjęjt. Ši čå n-a fost måre igra. Ma igračke n-a vut niš. Båla de štråce fačęjan. Båla de štråce za balęj ši åto niš. Ši ku bâturle, muški, noj-- „pickęjan" an kljemåt. Fost-a o škulja ši o balota, šåva. Ši vut-am saki o škuljica kolę za pomoči bâtu. E ur-a hitęjt sta balota ši je netežęjta ča, ča balota ân škulj, e noj an ča tot ćå. Ši kân an noj rivęjt ča ćå, kân a je vezut čire tâknit-a, s-a je månće de tire pus bâtu, kolę, onda tu-j moręjt ča lukrå męre. E s-a fost čuda de jelj, tu-j čuda vote moręjt ča lukrå dokle te oslobodijaj. Ča n-a fost lâhko baš, nu. E fost-a ča mušåta igre, interesęjta.
PrijevodTada je bilo puno djece, koji su svi bili prijatelji i koji smo se igrali. Svake večeri obavezno smo se skrivali. Skrivača, obavezno. A i druge igre. Igrali smo se kamenčića, s pet kamenčića, pet kuglica. I onda to bacaš, pa po jednu, pa poslije po tri, po dve, pa po tri. Poslije sa svima. Baci se jednu gore i stavi se [ostale] na stol. Uhvati se i baci je se prema gore. Pa se zgrabe sve i ulovi se ovu. Ako nisi sve uzeo, onda si pogriješio. Onda se druga vrati. I poslije bez, odjednom, ovako se lovi. Onda sljedeći put se baci bez da se takne ova druga. Ako si taknuo ovu drugu, nije vrijedilo. I to nam je bila velika igra. Ali igračaka nije bilo. Radili smo loptu od krpa. Loptu od krpa za loptanje i više ništa. I sa štapovima [smo se igrali], mi muški. „Pickali" smo, tako smo to zvali. Bila je jedna rupa i jedna kugla, ovakva. Pa smo tamo svaki imali jednu rupicu za pomočiti štap. Jedan je bacao tu kuglu i povlačio je to, tu kuglu u rupu, a mi smo to sve tjerali odande. I kad smo to mi gurali odande, kad je on vidio tko je taknuo, ako je on prije tebe spustio štap, tamo, onda si ti to morao ići raditi. A ako je bilo puno njih, ti si puno puta morao to raditi dok se nisi oslobodio. To baš nije bilo lako, ne. A bila je to lijepa igra, interesantna.
